Maine Nahi Pi Maa

Theme :-  This poem is based on the son who was obeying her mom wish which was not to drink in the parties but he died because someone was drunken and hit him with his car

Tune jaisa kaha maine waisa kiya, meri maa

Maine nahi piya maine nahi piya , meri maa

Phir bhi dekh na maa yeh kya ho gaya

Party se nikalte hi ek car ne mujhko ghayal kar diya

Geera main aise , bilkul football ke jaise

Sharir pe mere dekho rakht hai bhara, meri maa

Tune jaisa kaha maine waisa kiya, meri maa

Maine nahi piya maine nahi piya , meri maa

Jab geera main toh bus tu yaad aayi

Woh pi ke maar gaya , saari public chillayi

Kyu piya tha usne ,kya kiya tha maine

Ab nahi bachuga shayad , o meri maa

Tune jaisa kaha maine waisa kiya, meri maa

Maine nahi piya maine nahi piya , meri maa

Dard ho raha hai ,main ab kya karu

Sharir ko jaise cheel diya hai, usey kaise main bharu

Tu sach kehti thi maa,yeh peena to hai bahut hi buri bala

Maine suni teri har baat ,phir bh kyu woh mujhe pi ke maar gaya

Tune jaisa kaha maine waisa kiya, meri maa

Maine nahi piya maine nahi piya , meri maa

Bhai ko dena mere bahut hi jyada pyaar

Papa ko bh keh dena wo they sabse aache yaar

Koi uthao mujhe milwa do tujhse, tu hai kahaan

Aankhein band ho rahi hai, dikh nahi raha mujhe ab yeh jahaan

Tune jaisa kaha maine waisa kiya, meri maa

Maine nahi piya maine nahi piya , meri maa

Composed by Aamit

________________________________________________

Khuda Ke Bande –Kitne Changey

Khuda khud aata nahi

Khuda khud kehta nahi

Woh to bhejta hai banda

Jo lagta hai sabko changa

Us bande ki baaton mein tu , kho sa jayega

Bin kahe hi tu kuch ,uska ho sa jayega

Chuu jayegi uski baatein tere dil ko, bina kuch kahe

Sochne lagega uski baaton ko tera dimaag, bina kuch kahe

Aankhon mein uski tujhe khuda hi khuda nazar aayega

Sar tera uske saamne khud-b-khud jhunk sa jayega

Us bande ki baaton mein tu , kho sa jayega

Bin kahe hi tu kuch ,uska ho sa jayega

Jo tune kar liya uski baaton pe haan amal

Phir dekhna tera prayaas kabhi jaayega na wifaal

Tujhko bhi haan phir zamana bulaayega

Sunega teri baaton ko aur tujhe dil me basaayega

Us bande ki baaton mein tu , kho sa jayega

Bin kahe hi tu kuch ,uska ho sa jayega

Khuda khud aata nahi

Khuda khud bolta nahi

Woh jo bhejta hai banda

Samajh gaya na ki woh kitna hai changa

Us bande ki baaton mein tu khud se kho jaana

Bin kuch kahe hi tu uska khud se ho jaana

Composed by Aamit

________________________________________

Chadar Khuda Ki

Kabhi neeli chaadar keh ke dharti mujhe odh le

Kabhi geeli chadar ban ke main dharti ki pyaas bhujha du

Kabhi suraj ki agan ko main apne seene se jaga du

Toh kabhi chaand ki chandni ko main nadiyon me jagmaga du

Faila hu waha tak , jaha talak tu dekh sakta hai

In panchi ko , in baadalo ko , in peddo ko

Maine hi to panaah di hai

Sitare hai meri nabz aur dil mera sirf yeh chaand hai

In hawaon ko  , in fizaon ko , in ghataon ko

Maine hi to raah di hai

Kabhi shwetambar ban jaata hu

Toh kabhi neelambar kehlaata hu

Kabhi khud ko kala kar ke dusro ko sulata hu

Toh kabhi khud ro kar dusro ko hasata hu

Chahe koi dekhe na dekhe , mujhe sab dikh jaata hai

Woh khoon – kharaba , woh balatkaar , woh  pedd  katna

Meri nigahon se chup nahi paata hai

Sochta hu ki jo sadiyon pehle nazarein they

Woh pyaar , woh apnapan , woh sukoon

Mera aaj yeh dil kyu dekh nahi paata hai ???

Composed by Aamit

---------------------------------------------------------------------------------------------

Mere Desh Ki Katha

Hi Friends ,

This poem " Mere Desh Ki Katha " is on the present situation of our country as corruption is making our country down .

Now the time has come when we have to join together and fight for it else our country will remain the same as i have wrote in this poem.

Please do something for our country :-

                Mere Desh Ki Katha

Khilata , main khilata , main khilata chala gaya

Kabhi police ko , kabhi sarkari sevak ko , kabhi safed topi wale ko main khilata chala gaya

Socha tha maine ki nahi khilauga kuch bhi

Par wey to nikle yaar cricket ke balle ke jaise

Ball samjha mujhe aur laga diye chauke - chakke  jam ke

Pehle one day cricket khilaya phir test ki tarah bola five days me aap aana phir se

Chakkar , main chakkar , main chakkar lagata chala gaya

Kabhi office ke , kabhi authority ke , kabhi netaon ki kursi ke main lagata chala gaya

Toot gaye mere paragon ke majboot chappal bhi

Tabhi maine dekha paas khade aadmi ne pakdaya  hazar ka note

Aur kaam kara ke chal diya jaise de diya ho netaon ko unka vote

Tab samajh aaya mujhe india mein kaam karane ka tarika

Pilaata , main pilata , main pilata chala gaya

Kabhi chaprasi ko , kabhi police afsar ko , kabhi netaon ko main pilata chala gaya

Dekhta hu phir ghode ke paav lag gaye mere kaam pe

Jo kal tak rooka tha , aaj poora ho gaya aaram se

Paise to kharch hue par sharir to bach gaya

Wo chaar kilo jo  khoya tha chalte chalte , phir se sharir mein wapas bus gaya

Gaata , main gaata , main gaata chala gaya

Kabhi chaplusi , kabhi kaam karane ki khushi , kabhi aam aadmi ki zindagi ke geet gata chala gaya

Aam hai hum , aam ki tarah rehna padega

Kaam hai kum , unke paas unhe raza ki tarah sehna padega

Jo na saha tune to woh bahut chakkar katwayege

Aam ka ek – ek boond ras woh maaza samajh ke pi jayege

Phir baithe rehna aur jaana  bhagwaan ke paas

Kehna ki koi sunta nahi is desh mein sab hai paiso ke das

Waha bhi tujhse pujari yahi bolega

Agar kuch maangna hai to , kam se kam  chadha rupaiye pachas

Haan yahi india hai mera , jaha har kaam ke liye hoti paiso ki ardaas

Ab koi to kadam badhao yaaro aur  badal to  mere bharat ka itihaas

Haarta , main haarta , main haarta chala gaya

Kabhi bhrastachar se , kabhi atyachaar se , kabhi jhooth ke prahaar se main haarta chala gaya

Composed by Aamit

Murga Bola

Hi Friends

This poem " Murga Bola " is on the theme what a cock think at the shop of buther ( Kasai ) ,

Hope u all will agree with me on this , Read and comment

                  Murga Bola

Kehta hai murga kukad – koo karte hue

Kasai ki dukaan pe maut ki aahein bharte hue

Ab meri baari hai

Katne ki taiyaari hai , ab meri baari hai

Ja raha dekho mera dost mujhse pehle katne ke liye

Dhar chali churi ki aur kat gaya uska sar

Meri to aankhein choti hai dekh ke seham gayi

Par insaano ki haiwaniyat ne kisi ki bhi na suni

Gujarish bus itni si , ki usko na insaan tu itna sata

Gardan alag ho gayi uski , par ab jism ko na tu chil ke tadpa

Koi aisa tarika nikal jisse hum churi lagne se pehle hi marr jaye

Uska aisa haal dekh ke ab mera dil sirf yahi gaaye

Ab meri baari hai

Maut  ki taiyaari hai , ab meri baari hai

Koi baat nahi yaar , ho gaya ab main bhi katne ke liye taiyaar

Jauga main peth mein logo ke aur banuga unka aahar

Tariff karege meri jab woh khayege mujhe jam ke

Chalo kisi ke to kaam aauga main to haan maar ke

Shukar karuga insaano ka , ki mujhe is zindagi se aazaad karaya

Par ek baat hai , kya kabhi unke dimaag mein yeh na aaya

Ki aaj to wey  insaan hai , agle janam mein kahi na wey hi murge ban jaye

Aur phir meri tarah yahi geet wey dohraaye

Ab meri baari hai

Upar jaane ki taiyaari hai , ab meri baari hai

Chalo aa gaya mera waqt katne ka  yaar

Dua karuga ki bhagwaan na banaye tujhe murga aur na hi tu ye geet meri tarah gaye baar baar

Ab meri baari hai

Insaan ke pet mein jaane ki taiyaari hai , ab meri baari hai

Composed by Aamit

---------------------------------------------------------------------------------------------------

Mujhe Bhi Dard Hota Hai

Hi Friends,

Daily crores of trees are cut and been used for many purposes , i had tried to write this poem on behalf of a tree, hope you all will like this

Mujhe Bhi Dard Hota Hai

Mere haatho roopi daali ko kaata

Mere pairo roopi jaron ko kaata

Kaat ke palang banaya

Darwaje banaye aur ghar me show case bana ke mujhe sajaya

Jaan nahi bejaan hu yeh kehte hai sab

Insaan nahi kaagaj banana wala samaan hu yeh kehte hai sab

Kaun samjhaye ki jaan nahi hoti to kaise main badhta

Phool aur fal dekar kaise main sabka peth bharta

Haan woh bhool gaya  mujhme jaroor aawaz daalna

Par iska matlab nahi usko main yaad nahi

Dekh raha wo upar se mujhe katthey hue

Baccho ki kitaab aur mujhse hi apna mandir bante hue

Pedd hu pedd ki aawaaz, to sirf wahi sunta hai

Chalti jab mujhpe kulhariyan , to sirf wahi rota hai

Kehta hai kaisa maine tujhko dard diya

Aawaaz to le li aur apne hi insaano se katne ka sard diya

Kabhi koi sune teri to unhe yeh batla dena

Jo tu khatam ho gaya duniya se to ye shristi ne bhi nahi bachna

Chahte hai wey jeena to tere saath hi hoga

Tu khatam ho gaya to unka ghar bhi kabhi aabad na hoga

Bolna unhe tumhe kharonch bhi lage to kaise dard hota hai

Yaha to dard ke saath saath mera bin bolne wala dil bhi rota hai

Main chala jauga nahi to ek din yaha se door

Phir tum bhi aana mujhse milne swarg me jaroor

Haan main kaala hoon par dil ka kaala nahi

Tumne kaanta mujhe par main tumhe kaatuga nahi

Waha bhi tumhe main aise hi phool aur fal duga

Tum ek baar pyaar se bolna , main phir se tumhare saath dharti pe chal duga

Composed by Aamit

------------------------------------------------------------------------------------

Paisa - Ek Naag

Hi Friends,

This poem is on the theme that money is not everything .....

Money takes many things from you , please read it and comment if you like

Paisa – Ek Naag

Paise ke piche mat bhaag

Paisa to hai jaise ek naag

Jitna fann woh failayega

Tu fasta chala jayega

Ek baar fus gaya to phir wapas nahi aayega

Paisa paisa bus paisa karta jayega

Yeh bahut jehrila hai

Yeh bahut nashila hai

Jhooth ka paath padhata hai

Apno se door karata hai

Waqt ko khaata jaata hai

Ghar-baar kuch samajh nahi aata hai

Saala jitna bhi aata hai

Mann bhar nahi paata hai

Paise ke piche mat bhaag

Paisa to hai jaise ek naag

Jitna fann woh failayega

Tu fasta chala jayega

Ek baar fus gaya to phir wapas nahi aayega

Paisa paisa bus paisa karta jayega

Jitna tu sharam ko bechega

Utna hi dusro se isey aithega

Chaplusi  ki duniya ka baaza hai

Aur politician ke ghotalo ka raaza hai

Jitna tu isey kamayega

Utna hi sharir se haath dho jaayega

Kasam se isse aish to milte hai

Par zindagi mein tention ke phool bhi jaroor khilte hai

Paiso ke piche mat bhaag

Paisa to hai jaise ek naag

Jitna fann woh failayega

Tu fasta chala jayega

Ek baar fus gaya to phir wapas nahi aayega

Paisa paisa bus paisa karta jayega

Hum bhool gaye hai ki

Naag bhi ek din marta hai

Woh apna sharir chodh kar

Upar bhagwaan mein hi wapas basta hai

Bus yeh sochna jara dil se

In paiso ki bori ko kaise tu upar le kar jayega

Kuch nahi le kar aaya tha

Phir kaise tu kuch le kar jaayega

Paise ke piche mat bhaag

Paisa to hai jaise ek naag

Jitna fann woh failayega

Tu fasta chala jayega

Ek baar fus gaya to phir wapas nahi aayega

Paisa paisa bus paisa karta jayega

Composed by Aamit

-----------------------------------------------------------

Waqt Badal Jayega

Hi Friends,

This Poem " Waqt Badal Jayega " is on the theme that time always change , if you are in sorrow today one day happiness will come surely in your life.

Please read and comment if you like this

Waqt  Badal Jayega

Sab kuch likha hai yaha pe

Tere har khushi ka pal

Tere gum ka har sitam

Tu jo bhi hai kare

Woh dekh raha waha

Sochta hai tu ki phir kyu  aanshu  barsa raha yaha

Par woh  bhi kya kare

Yeh tera naseeb hai

Pichle janam ka karam , tera badnaseeb hai

Mat kho na itna inme

Yeh paani hai , sukh jayege

Na bhi sukhe to haan moti kehlaayege

Kal phir woh waqt aayega

Jab tu khush ho jayega

Phir dekhna kaise tu usey apna banayega

Aise hi to zindagi yeh seekh deti hai

Ki tu yaha koi akela nahi

Aur Khud ko samjhaane ka ek geet deti hai

Is geet ko tu hosholo se gaata chala jaa

Phir dekhna khushi ka rukh mud chalega

Aur pyaar se tu har kisi ko  jeet chalega 

Composed By Aamit

----------------------------------------------------------------

Khuda Bolta Hai

Hi Friend,

Who said that God doesnt speak , just close your eyes and remember him ....

You will hear the sound that i wrote in my poem , Read it on

“ Khuda Bolta Hai “

Main manzil bhi hu , Main kinaara bhi
Main saathi bhi hu , Main sahaara bhi
Mere darr pe jo aaya ,woh mera ho gaya
Mujhe dil mein jisne basaya,main uska ho gaya

Kyu yaad karte ho sirf tum mujhe dukh mein
Kyu dhundte ho tum mujhe yaha waha

Main to hoon ,Saagar ki leheron mein
Baarish ki boondon mein,Phoolon ki khusbu mein
Pyaar ke jaadu mein,Hawa ki san-san mein

Phir bhi agar tujhe main na miloon
Toh bus aankhein band karna aur dil se karna mujhe yaad

Main doonga tere har sawaal ka jawaab
Main lauga har khushi ko tere pass

Bus guzaarish hai tujhse ,ki do pal mujhe de dena
Kyuki main akela hoon,main akela hoon
Aur mujhe saara jagg hai dekhna

Composed By Aamit

---------------------------------------------------------

Aids , Mujhe Kyu

Hi Friends,

This poem " Aids, Mujhe Kyu " is on a small boy suffering from Aids and asking to everyone what was his fault .......

Hope u all like this

AIDS , Mujhe Kyu

Baccha hoon main , Saccha hoon main

Par zindagi se thoda Kaccha hoon main

Dekhe har koi mujhe, par pass na aaye

Kehte hai sub, AIDS ka mareez hoon main

Pata nahi mujhe, yeh Aids kya hota

Par jo bhi hota, bahut bura hota

Koi mujhse milta nahi, koi saath khelta nahi

School bulata nahi , waqt tham jaata kahi

Maa se kehta hoon jab , doctor banna mujhe

Thoda padhna mujhe, thoda khelna mujhe

Sun kar jaane kyu, aankhein uski bhar jaati hai

Ro- ro kar, woh mujhe bus yeh samjhaati hai

Main hoon thoda alag, main hoon thoda juda

Meri zindagi ka maalik , toh hai bus woh khuda

Doctor bhi kehta hai , ab mere pass hai do –chaar din

Maa kehti hai , ab kaise rahugi main tere bin

Ro mat o maa , wapas aauga main

Khuda se mil kar ,usey samjhauga main

Mujhe bhej de dubara, haan tu maa ke pass

Par saath mein na bhejna,yeh Aids ka ehsaas

Baccha hoon main , Saccha hoon main

Par zindagi se thoda  Kaccha hoon main

Composed by Aamit

------------------------------------------------------------------

Hare Hare Note

Hi Friends,

This poem  " Hare Hare Note " is on the real incidence when i have seen  in a famous temple that sewaks are not allowing common mens , u can say aam aadmi to enter in the temple after 12 PM as its god sleeping time according to them,

But suddenly a VIP enter into the temple by giving  them Notes , does that means VIP can do anything with money

Hope u all like this poem

Hare Hare Note

Chahe mandir ho raha band

Chahe bhagwaan ho rahe tang

Phir bhi khulega unka darwaja

Agar tu hai VIP aur dega sewako ko

Hare hare note

Sau – hazar ke note

In noto ki taakat hai unki kripa se bhi badi

Darshan AC mein ho jaate , chahe aam janta dhoop mein hai khadi

Pujari bhi hash ke do baar prashad deta hai inko

Kyuki badle mein mil jaate hai unhe

Hare hare note

Sau – hazar ke note

Moh maaya mein pade apne sewako ka haal dekh kar

Kya pata waha bhagwaan bhi pareshaan hoge

Sochte hoge mere sewak naam to mera lete

Par bhool jaate hai mujhko jab unhe sab hai dete

Hare hare note

Sau – hazar ke note

Ab kaun unhe samjhaaye ,gaya unka ab jamana

Paisa hi  bhagwaan , yahi  aaj ka hai tarana ( Geet )

Phir bhi unko is kalyugi duniya mein apna naam hai kahelwana

Toh aashirwaad ke badle mein dene parege unhe ab

Hare hare note

Sau – hazar ke note

Composed by Aamit

-------------------------------------------------------------------------------------

Mumbai Blast - Hope Its Last

Hi Friends ,

This poem is on the recent incidence of blast in mumbai that was done by terrorist . Hope u will like this .............................................................................................................

Mumbai Blast – Hope Its Last

Wo maarte ja rahe hai

Hum marte ja rahe hai

Aanshu baraste ja rahe hai

Aur wo jaalim haste ja rahe hai

Maar ke bhi unko kisi ka darr nahi

Ye bharat , jaise unka ghar yahi

Fass bhi gaye to karoro kharch karate hai

Kasab ke jaise indian jailo mein shaan se jeete jaate hai

Aur humhaare desh ki media ke hai kya kehne

Jaha dekha masala , waha laga usey apna kehne

Nayi khabar aate hi wey purani bhool jaate hai

Breaking news keh keh kar dusre channels se bada khud ko batate hai

Mumbai nagri ka aaj tha ek kaala din

Jaane kitne ro rahe hai apno ke bin

Dekho ye bacha kaise dusro se lipat ke soya hai

Mata pita ko kho kar gamo me khoya hai

\

Aawaz jo sarko pe har waqt aati thi

Aaj sannato ki galiyo mein khoti jaati hai

Mausam jo har waqt zindagi ki gawahi deta tha

Aaj maut ko khade khade salami deta hai

Waqt aa gaya hai ab humhe saath chalne ka

Dusmano  ko haath se masalne ka

Bhoolna nahi hai ab humhe is haadse ko

Warna phir se aayege aur kahege wo

Hum maarte jaa rahe hai

Tum marte jaa rahe ho

Goliyaan barsaate jaa rahe hai

Aur tum darte jaa rahe ho

Composed by Aamit

----------------------------------------------------------------------------------

Mujhe Tention Ne Maara

Hi Friends,

This poem i have wrote for those who have always tention in mind for money , home , love etc and believe that by taking tention all things will be resolve but they forget that by doing this they are loosing their health . Dont take tention , Always live life happily and leave thing on god

So here is the poem , read and comment


Mujhe Tention Ne Maara

Kyu chinta kare

Kyu tu roz mare

Jab marna hai ek din

Kya le jaayega

Kaise tu ghar aur paise uthayega

Jab jaana hai inke bin

Dekh tere bacche hai , kitne acche hai

Biwi tere paas hai , phir kyu tu udaas hai

Fast – Fast  heartbeat teri , sabse hai keh rahi

Lost – Lost  saansein teri , sabse hai keh rahi

Upar wale ke bulaane se , tu pehle hi chala jayega

Maut aane se pehle , tu tention se hi marr jayega

Jo jab hona hai , so sab hona hai

Khuda usme shaamil  hai , phir kis baat ka rona hai

Bache  hai tere paas , ab zindagi ke chaar pal

Har pal khush reh , kyu bigaad raha apna kal

Marizo ki geenti mein , ek tu bhi shaamil ho raha

Haathon mein injection liye , dekh doctor teri yaad me kho raha

Jawaani mein boodhi hoti rooh teri , sabse hai keh rahi

Samay se pehle parti jhooriyan teri , sabse hai keh rahi

Upar wale ke bulaane se , tu pehle hi chala jayega

Maut aane se pehle , tu tention se hi marr jayega

Family ka tu hai dulaar

Dekh sabko tujhse kitna hai pyaar

Aur kisi baat ki nahi di usne kami

Khush ho ja ,tu na yaar

Mar  na tu , ab baar baar

Jab jeeni hai ek hi zindagi

Phir dekhna rooh teri jawaan aur jhooriyan door ho jayegi

Aur  tab teri saansein aur dhadkaan sirf yahi gaayegi

Uparwale ke bulaane ke baad bhi , tu nahi jaayega

Tention aane se pehle , tu usko hi kha jaayega

Composed by Aamit

----------------------------------------------------------------------------------------            

Maang Raha Kyu Itna

This Poem “  Maang Raha Kyu Itna “ is based on the theme that we always pray to god that give us more money and sometime we curse god that you have given him/her everything but you haven’t gave us anything.

This poem gives the message that god has given us everything that he create and gave to everyone , he has given us good health , all parts of body which has more value than money but we still creep to god to give us more money  but we forgot that god has not made money , its us who has created money.

Think if we have to go for duplicate eyes , teeth , hand , etc we have to spend crores of money in it that means god has given us crores of rupees in terms of our body.

So, here is the poem which will give us the indication that we got everything .

Hope you all will like it and will realize that how much value our body have

    Maang Raha Kyu Itna

Bhagwaan ne sab kuch diya

Phir bhi tu hai maang raha

Maangta hai kuch aise

Jaise woh phansi pe taang raha

Maana ki nahi hai tere paas aaj paiso ka saath

Par mat bhool ki usne diye tujhe kam se kam do crore ke haath

Chaar crore ki aankhein aur dus crore ke pair

Ek dil bhi diya hai anmol , jo karata har duniya ki sair

Soch jara agar woh tujhe de deta dus crore ka inaam

Aur badle mein le leta aankhein aur kar deta haath ka kaam tamaam

Phir kya karta un paiso ka

Jara ye to soch ke bata

Bhagwaan ne sab kuch diya

Phir bhi tu hai maang raha

Maangta hai kuch aise

Jaise woh phansi pe taang raha

Kabhi waqt mile to jaana kisi bin aankhein walon ke paas

Woh batayege tujhe ki aankhein hoti kitni khaas

Paise unke liye kuch nahi

Bus wey maangte do pal duniya dekhne ki aas

Khush ho ja kyuki usne rakha tera aaj sab kuch salamaat hai

Paise nahi to kya hua , sharir ki to acchi haalat hai

Aur phir bhi paisa kamaana hai to khud pe tu vishwaas rakh

Koshish karta ja aur khud ko kabhi bhi kisi se na chota samajh

Bhagwaan ne sab kuch diya

Ab aur na usse kuch maang

Phir bhi maangna hai toh

Sirf maang le usse aashirwaad aur bhakti ka rang

Composed by Aamit

--------------------------------------------------------------------

Chaand Aur Sapne

Hello Friends,

This Poem “ Chaand Aur Mere Sapne “ is based on the theme of Ramdhari Singh Dinkar ‘s Poem “ Raat ko kehne laga mujhse gagan ka chaand “ .

This poem give us the message that Don’t stop dreaming because if your dreams are true & u have full believe in it, it will happen in real .

Its true that many obstacles will come in your life and many people will demoralize you about your dream like in this poem Moon is doing this but don’t believe them , just believe in you and your god and trust me one day it will be fulfilled

Hope you will like this poem , awaits your valuable comments on this

 Chaand Aur Mere Sapne

Sapno ko peeron raha tha main

Chandni mein hosholo ke dhaagon se

Tabhi maine dekha chaand ko

Apni aur tuktuki laga kar dekhte hue

Muskura raha tha woh

Mooh bana raha tha woh

Jaise mere sapno pe bada sa ankush laga raha tha woh

Nazarein jab mili humhari , to kehne laga mujhse

Maine dekha hai bahuto ko aate aur jaate hue

Maine dekha hai bahuto ko sapne banate aur bhulaate hue

Tu kyu meri chaandni se roz murakh jaisi baat karta hai

Aey sapno ke baazigar kyu roz roz tu inhe dekh kar marta hai

Dekhta hoon tujhe jab bhi main is kadar inme doobte hue

To lagta hai jaise kisi fakeer ko chahat hai dekhne ki khuda

Soch jara agar khuda mil jaata is kadar dekhne se sapne

To aaj dharti pe har ghar mein lag jaata sapno ka aasmaan

Chaand ki baatein sunkar maine bhi usey keh diya

Kyu khush hota hai itna , tune bhi to kabhi tha ek sapna dekha

Tujhe khubsurat , Haseen aur Kohinoor kehne wala tha koi apna dekha

Aur dekh aaj har koi tujhe in naamo se bulata hai

Par jaane kyu tu unhe bhula ke ahankaar ke baadalo mein doob sa jaata hai

Mat bhool chaand , fakeer ki takdeer bhi to wahi khuda hi likhta hai

To kya hua asal mein nahi , par dil mein to roz woh mujhe dikhta hai

Aur jis dil mein woh rehta hai , usme hi to base hai swapn mere

Vishwaas hai mujhe ki ek din yeh poore hoge jaroor

Phir dekhna tu bhi kahega sapne poore hote hai aur rahega hamesha saath mere

Composed By Aamit

-------------------------------------------------------------------------------------

Mere Desh Ko Bacha Lo

Hello Friends,

This poem “ Mere Desh Ko Bacha Lo “ is on the theme that Gandhiji has come on earth again in body of Anna ji to save our country from corruption.

We get freedom when we were slaved by Foreigners but now our own people are making us slave and corruption is the main cause of it .

So here is the poem , hope you all will read and comment on this and pass on to your friends  if you like

      Mere Desh Ko Bacha Lo

Gandhi ji ne janam liya hai dobara

Anna ji ke roop mein laga rahe hai naara

Bharastachaar band karo , band karo bhrastachaar

Upkaar yeh desh pe karo , desh pe karo yeh upkaar

Maine aisa to yeh desh nahi choda tha

Pehle kabhi apno ne hi yeh desh aisa to nahi toda tha

Bhrastachaar ki mehak upar tak hai mujhe aayi

Khinch ke yeh mujhe wapas dharti pe le aayi

Ghuma main bharat mein idhar udhar , to dekhta hu kya

Noto pe main hi chappa hu , aur mujhe hi bechte hai sab yaha waha

Bus ek sawaal hai – Zameer aur Aatma ko maar ke desh kaise bachaoge

Bacha lo warna ek din taash ke paaton ki tarah udte nazar aaoge

Bharastachaar band karo , band karo bhrastachaar

Upkaar yeh desh pe karo , desh pe karo yeh upkaar

Samajh na akela humko oh bharastachaari , hum aaj bhi hai ek

Dekhna ek – ek ho kar hum jaane kab ban jayege anek

Jitna bhi ho bada bhrastachaari , ab wo desh bech na paayega

Aur jo phir bhi koshish ki to , is desh se bhaga diya jayega

Hum aam aadmiyon ko dhool samajh kar , woh har waqt khane ko taiyaar hai

Bhool mat , jab sab dhool aapas me milti hai , to wo desh ki maati ka ek ambaar hai

Sar uthake , bhook mitake , ab na hum kadam piche hatayege

Maut dobara bhi aa jaye , tab bhi mere baad mere jaise dusre Gandhi aur aayege

Bharastachaar band karo , band karo bhrastachaar

Upkaar yeh desh pe karo , desh pe karo yeh upkaar

Jab bhi desh pe hoga atachaar , main wapas aauga

Aur apne desh ko phir se gulaam hone se bachauga

Saath hai sabka mujhe , koi ab kuch ka na kar payega

Mere saaath ab Bharat ka har baccha ye hi  naara lagayega

Bharastachaar band karo , band karo bhrastachaar

Upkaar yeh desh pe karo , desh pe karo yeh upkaar

Composed by Aamit