Maang Raha Kyu Itna

This Poem “  Maang Raha Kyu Itna “ is based on the theme that we always pray to god that give us more money and sometime we curse god that you have given him/her everything but you haven’t gave us anything.

This poem gives the message that god has given us everything that he create and gave to everyone , he has given us good health , all parts of body which has more value than money but we still creep to god to give us more money  but we forgot that god has not made money , its us who has created money.

Think if we have to go for duplicate eyes , teeth , hand , etc we have to spend crores of money in it that means god has given us crores of rupees in terms of our body.

So, here is the poem which will give us the indication that we got everything .

Hope you all will like it and will realize that how much value our body have

    Maang Raha Kyu Itna

Bhagwaan ne sab kuch diya

Phir bhi tu hai maang raha

Maangta hai kuch aise

Jaise woh phansi pe taang raha

Maana ki nahi hai tere paas aaj paiso ka saath

Par mat bhool ki usne diye tujhe kam se kam do crore ke haath

Chaar crore ki aankhein aur dus crore ke pair

Ek dil bhi diya hai anmol , jo karata har duniya ki sair

Soch jara agar woh tujhe de deta dus crore ka inaam

Aur badle mein le leta aankhein aur kar deta haath ka kaam tamaam

Phir kya karta un paiso ka

Jara ye to soch ke bata

Bhagwaan ne sab kuch diya

Phir bhi tu hai maang raha

Maangta hai kuch aise

Jaise woh phansi pe taang raha

Kabhi waqt mile to jaana kisi bin aankhein walon ke paas

Woh batayege tujhe ki aankhein hoti kitni khaas

Paise unke liye kuch nahi

Bus wey maangte do pal duniya dekhne ki aas

Khush ho ja kyuki usne rakha tera aaj sab kuch salamaat hai

Paise nahi to kya hua , sharir ki to acchi haalat hai

Aur phir bhi paisa kamaana hai to khud pe tu vishwaas rakh

Koshish karta ja aur khud ko kabhi bhi kisi se na chota samajh

Bhagwaan ne sab kuch diya

Ab aur na usse kuch maang

Phir bhi maangna hai toh

Sirf maang le usse aashirwaad aur bhakti ka rang

Composed by Aamit

--------------------------------------------------------------------

Chaand Aur Sapne

Hello Friends,

This Poem “ Chaand Aur Mere Sapne “ is based on the theme of Ramdhari Singh Dinkar ‘s Poem “ Raat ko kehne laga mujhse gagan ka chaand “ .

This poem give us the message that Don’t stop dreaming because if your dreams are true & u have full believe in it, it will happen in real .

Its true that many obstacles will come in your life and many people will demoralize you about your dream like in this poem Moon is doing this but don’t believe them , just believe in you and your god and trust me one day it will be fulfilled

Hope you will like this poem , awaits your valuable comments on this

 Chaand Aur Mere Sapne

Sapno ko peeron raha tha main

Chandni mein hosholo ke dhaagon se

Tabhi maine dekha chaand ko

Apni aur tuktuki laga kar dekhte hue

Muskura raha tha woh

Mooh bana raha tha woh

Jaise mere sapno pe bada sa ankush laga raha tha woh

Nazarein jab mili humhari , to kehne laga mujhse

Maine dekha hai bahuto ko aate aur jaate hue

Maine dekha hai bahuto ko sapne banate aur bhulaate hue

Tu kyu meri chaandni se roz murakh jaisi baat karta hai

Aey sapno ke baazigar kyu roz roz tu inhe dekh kar marta hai

Dekhta hoon tujhe jab bhi main is kadar inme doobte hue

To lagta hai jaise kisi fakeer ko chahat hai dekhne ki khuda

Soch jara agar khuda mil jaata is kadar dekhne se sapne

To aaj dharti pe har ghar mein lag jaata sapno ka aasmaan

Chaand ki baatein sunkar maine bhi usey keh diya

Kyu khush hota hai itna , tune bhi to kabhi tha ek sapna dekha

Tujhe khubsurat , Haseen aur Kohinoor kehne wala tha koi apna dekha

Aur dekh aaj har koi tujhe in naamo se bulata hai

Par jaane kyu tu unhe bhula ke ahankaar ke baadalo mein doob sa jaata hai

Mat bhool chaand , fakeer ki takdeer bhi to wahi khuda hi likhta hai

To kya hua asal mein nahi , par dil mein to roz woh mujhe dikhta hai

Aur jis dil mein woh rehta hai , usme hi to base hai swapn mere

Vishwaas hai mujhe ki ek din yeh poore hoge jaroor

Phir dekhna tu bhi kahega sapne poore hote hai aur rahega hamesha saath mere

Composed By Aamit

-------------------------------------------------------------------------------------

Mere Desh Ko Bacha Lo

Hello Friends,

This poem “ Mere Desh Ko Bacha Lo “ is on the theme that Gandhiji has come on earth again in body of Anna ji to save our country from corruption.

We get freedom when we were slaved by Foreigners but now our own people are making us slave and corruption is the main cause of it .

So here is the poem , hope you all will read and comment on this and pass on to your friends  if you like

      Mere Desh Ko Bacha Lo

Gandhi ji ne janam liya hai dobara

Anna ji ke roop mein laga rahe hai naara

Bharastachaar band karo , band karo bhrastachaar

Upkaar yeh desh pe karo , desh pe karo yeh upkaar

Maine aisa to yeh desh nahi choda tha

Pehle kabhi apno ne hi yeh desh aisa to nahi toda tha

Bhrastachaar ki mehak upar tak hai mujhe aayi

Khinch ke yeh mujhe wapas dharti pe le aayi

Ghuma main bharat mein idhar udhar , to dekhta hu kya

Noto pe main hi chappa hu , aur mujhe hi bechte hai sab yaha waha

Bus ek sawaal hai – Zameer aur Aatma ko maar ke desh kaise bachaoge

Bacha lo warna ek din taash ke paaton ki tarah udte nazar aaoge

Bharastachaar band karo , band karo bhrastachaar

Upkaar yeh desh pe karo , desh pe karo yeh upkaar

Samajh na akela humko oh bharastachaari , hum aaj bhi hai ek

Dekhna ek – ek ho kar hum jaane kab ban jayege anek

Jitna bhi ho bada bhrastachaari , ab wo desh bech na paayega

Aur jo phir bhi koshish ki to , is desh se bhaga diya jayega

Hum aam aadmiyon ko dhool samajh kar , woh har waqt khane ko taiyaar hai

Bhool mat , jab sab dhool aapas me milti hai , to wo desh ki maati ka ek ambaar hai

Sar uthake , bhook mitake , ab na hum kadam piche hatayege

Maut dobara bhi aa jaye , tab bhi mere baad mere jaise dusre Gandhi aur aayege

Bharastachaar band karo , band karo bhrastachaar

Upkaar yeh desh pe karo , desh pe karo yeh upkaar

Jab bhi desh pe hoga atachaar , main wapas aauga

Aur apne desh ko phir se gulaam hone se bachauga

Saath hai sabka mujhe , koi ab kuch ka na kar payega

Mere saaath ab Bharat ka har baccha ye hi  naara lagayega

Bharastachaar band karo , band karo bhrastachaar

Upkaar yeh desh pe karo , desh pe karo yeh upkaar

Composed by Aamit

Bura Hai Ahankaar

This poem “ Bura Hai Ahankaar “ is based on the theme of  persons who have full of ego and who believe that they are superior from everyone and whatever they do is always correct , but they forgot that there is also one power which is greater than them and that power is god power.

So here is the poem , read it and comment what you feel about this

     Bura Hai Ahankaar

Phoolon ne kaha patton se 

Tu ban ja dost mera

Tu rang le rang mera

Phir dekhna yeh sansaar teri tariff karega

Phir dekhna yeh sansaar bhagwaan ko tujhse pujega

Aashiq rakhega haathon mein aur mehbooba ko dega

Bin kahe hi woh tera naam khoob lega

Pattey ne jab suni phool ki yeh baat

Bola main nahi banuga dost tera

Main nahi ranguga rang tera

Kyuki  khush hu , main jaisa bhi hu

Haryaali ka rang “Hara”  main hi to hu

Socho phool sahab, agar main na hota

Toh tu khilta na aur har pal dhoop mein murjhaya sota

Chaav ki chaadar hu main in garibon ke liye

Jo main phool ban jauga to kaun karega kuch inke liye

Doston , humhaara bhi jeevan ho gaya hai phoolon ke jaisa

Kehte hai main main hu , tu chota hai , aur na koi hai mere jaisa

Ahankaar ka naag nas nas mein hai chalta

Woh jhuth bolta , har pal aatma ko hai dasta

      Chalo maan liya ki tu dharti ka raja hai

Par aasmaan pe bhi to dekh , tere upar bhi ek maharaja hai

Jo kar liya usne bhi ahankaar , to tera kya hoga

Woh aankh kholega teesri aur tu pal mein bhasm hoga

Mat ban tu phool, ban patton ke jaisa

De sabko thandi chaav , aur na kehla ab ahankaari aisa

Composed by Aamit

Beti Hoon Main , Koi Paap Nahi

Hello Friends,

This poem is one of my favourite poem which i have wrote from my heart .

This is on the theme on Female Foeticide , now a days most of the family wants only boy and killing girl babies , they dont ever think that this is a crime and if no women will be present in this world , how will baby boy come.

So friends here is the poem , read it by heart and comment on this

  Beti Hoon Main ,Koi Paap Nahi

Ek hai taare , dekho woh ek se saare

Beta-beti bhi ek hai , phir kyu betiyaan marti jaa rahe

Khuda bhi ro raha hai, Maa bhi ro rahi hai

Aankhon mein gumm bhare hai , ro rahe hai nazaare

Yaha aane se pehle beti, puchti hai khuda se

Sansaar tune banaya , ya banaya hai insaan ne

Maare woh humko jaise, hum unki santaan nahi hai

Darr lag raha hai , kahi waapas bhej na dey woh humhe yaha pe

Kaha phir us khuda ne , ki bhul gaya hai insaan

Jaha beti nahi hai , bata woh kaunsa hai jahaan

Waqt ek aisa aayega, “Aurat” shabd reh na jaayega

Phir puchuga insaan se , ab tu “Beta” laayega kaha se

Abhi bhi waqt hai , chodh do tum yeh tamaashe

Beti maarne se pehle , jara dekho tum ek maa ki nazar se

Nahi to main bula luga ,  ek bhi beti reh na jaayegi

Dharti khud narak ban jaayegi ,aur larkiyan sirf  rahegi swarg me

Ek hai taare , dekho woh ek se saare

Beta beti bhi ek hai , kaho ab tum bhi sab saath humhaare

Composed By Aamit

Naanch Nachaaye Paisa , Kuch Aisa

Hello Friends,

This poem is on the theme "A person who take bribe in his whole life and forgot everything about his life ,family $  for him only money is important , and he want to earn money by any means "

Do you think this type of person can live his life happily ?

Please read the below poem and comment

            Naanch Nachaaye Paisa, Kuch Aisa

            Barbaad kar di, tune zindagi

            Paise mein doob gayi, teri zindagi

           

            Kabhi idhar se hai khaaya

            Kabhi udhar se hai khaaya

            Paise ne dekh tujhko ,kaha kaha nachaaya

            Bhool gaya hai tu ki, tujhe upar bhi jaana hai

            Waha kaise khaayega, Jaha khuda ka thikaana hai

            Khaani to hai tujhko bhi, wahi daal aur roti

            Phir kyu todh raha hai, tu dusro ke paiso se boti

            Soch kitna tu dara tha, Soch kitna tu mara tha

            Jab pehli baar tune, paiso ka herr-pheer kara tha

            Ab to ho gaya kuch aisa,teri aatma bhi maange paisa

            Dhundne pe bhi nahi milega, koi khaane wala tere jaisa

            Aaj bhi hai waqt tere pass, chodh de paiso ka ehsaas

            Phir dekhna kitna sukoon milega,aur bujh jayegi teri pyaas

           

            Aabad kar le, tu apni zindagi

            Paise ko chodh ke , ab tu ji ley zindagi

            Composed By Aamit

           

            ____________________________________________

           

 

Aazad ya Gulaam

Hi Friends,

This poem " Aazad Ya Gulaam " is based on the theme that we remember 15 Aug and 26 Jan just because its a national holiday/school holiday , and we are forgetting our freedom fighters and their family who fought for us .

After reading the below poem , please comment what u think about this and do u think have we really got the freedom ?

         

        Aazaad Ya Gulaam

Aazaad hua , Hindustaan , Aazaad hua

Aaz ke din  , Hindustaan , Aazaad hua

Par jinke kaaran aazaad hua , unke koi na ab jaane

Woh Chandarsekhar , Woh Bhagat Singh , unhe koi na ab pehchaane

Itihaas ke panno mein wey goom ho gaye hai

Gandhi ji sirf yaad hai kyuki woh noto pe chappe hai

Aazaad hua , Hindustaan , Aazaad hua

Aaz ke din  , Hindustaan , Aazaad hua

26 January , 15 August hai humhe yaad jaroor

Par hua kya tha is din , yeh ab humhe nahi pata hajoor

National holiday , school ki chutti milti hai , shayad isliye yaad humhe

Patang udaana , mauz manana , hai bus is din kaam humhe

Aazaad hua , Hindustaan , Aazaad hua

Aaz ke din  , Hindustaan , Aazaad hua

Jo hue they is din shahid , unke parivaar ki kisi ko fikar nahi

Bhool gaye hai sabko , ab unka is duniya mein koi jikar nahi

Mat bhoolo yaaro aaj bhi hum gulaam hai

Kyuki paise dene wali har MNC pe angrezo ka naam hai

Aazaad hua , Hindustaan , Aazaad hua

Aaz ke din  , Hindustaan , Aazaad hua

Composed by Aamit